ცხოველები

ეკვადორში საბაჟო კონტროლმა ბარგში 185 გალაპაგოსის კუ აღმოაჩინა [PHOTOS]

AEROPUERTO ECOLÓGICO DE GALÁPAGOS

ეკვადორში, ბალტრას აეროპორტში საბაჟო კონტროლმა 185 გალაპარაგოსის კუ აღმოაჩინა ბარგში, რომელიც გალაპაგოსის კუნძულებიდან კონტინენტზე იგზავნებოდა.

რეპტილიები პოლიეთილენის პარკში იყვნენ გადახვეულები. საბაჟო კონტროლმა ისინი ინსპექციის დროს აღმოაჩინა. კუები, სავარაუდოდ, სამ თვეზე ნაკლები ასაკის არაინ. საბაჟო კონტროლის თანამშრომლების თანახმად, 10 კუ მოკვდა.

გალაპაგოსის გიგანტური კუ საფრთხის ქვეშ მყოფი სახეობის რეპტილიაა. ერთ-ერთი მთავარი საფრთხე, რომელიც ამ სახეობას ემუქრება, ეგზოტიკური ცხოველების შავ ბაზარზე უკანონო ვაჭრობაა.

ბრაკონიერობასთან ბრძოლის სამსახურის წარმომადგენლების თანახმად თითოეული კუ შავ ბაზარზე დაახლოებით 5000 დოლარად იყიდება.

სავარაუდოდ, ბრაკონიერებმა კუები პარკებში იმისთვის გაახვიეს, რათა არ ემოძრავათ. თუმცა აეროპორტში რენტგენის აპარატის ოპერატორმა ბარგი საეჭვოდ მიიჩნია. ბარგი აეროპორტში სატრანსპორტო ფირმამ გაგზავნა. ინციდენტთან დაკავშირებით ჯერჯერობით არავინ დაუკავებიათ, თუმცა სატრანსპორტო ფირმის თანამშრომლები დაკითხვაზე დაიბარეს.

ეკვადორის გარემოს დაცვის მინისტრმა, მარსელო მატამ ინციდენტი ქვეყნის ველური ფაუნისა და ეკოლოგიური მემკვიდრეობის წინააღმდეგ ჩადენილ დანაშაულად შეაფასა.

გალაპაკოსზე არსებული მცენარეებისა და ცხოველების უმეტესობა კუნძულებისთვის ენდემურ სახეობებს წარმოადგენს. მათ შორის გალაპაგოსის გიგანტური კუ ყველაზე ცნობილია. მეცნიერები ვარაუდობენ, რომ ამ ტერიტორიაზე კუ 3-4 მილიონი წლის წინ აღმოჩნდა.

გალაპაგოსზე ბრაკონიერობისთვის სასჯელი სამიდან ხუთ წლამდე პატიმრობას ითვალისწინებს.

კომენტარები