საქართველოში ბოლო 24 საათში კორონავირუსით კიდევ 12 ადამიანი გარდაიცვალა. ჩატარდა 10 678 ტესტი და დადასტურდა ინფიცირების 133 ახალი შემთხვევა. გამოჯანმრთელდა 276 პაციენტი.
133 ახალი შემთხვევიდან თბილისში 78 დადასტურდა, აჭარაში - 3, იმერეთში - 20, ქვემო ქართლში - 1, შიდა ქართლში - 8, გურიაში - 3, სამეგრელო - ზემო სვანეთში - 14, კახეთში - 2, მცხეთა-მთიანეთში - 1, სამცხე-ჯავახეთში - 1, რაჭა-ლეჩხუმსა და ქვემო სვანეთში - 2.
4 მარტის მდგომარეობით, დადებითობის დღიური მაჩვენებელი 1.25 %-ია, ბოლო 14 დღის მანძილზე - 1.65 %, ხოლო 7 დღის მანძილზე - 1.25%.
4 მარტის დილის მონაცემებით, ქვეყანაში ინფიცირების 271 872 შემთხვევაა დადასტურებული. მათგან 266 081 ადამიანი გამოჯანმრთელდა, 3 553 კი გარდაიცვალა.
ქვეყანაში ინფიცირების 2 212 აქტიური შემთხვევაა, მათგან 249-ის ჯანმრთელობის მდგომარეობა მძიმეა. მძიმე პაციენტებიდან თბილიში 106 მკურნალობს, აჭარაში - 23, იმერეთში - 64. ხელოვნური სუნთქვის აპარატზე 87 ადამიანია, მათგან თბილისში - 61, აჭარაში- 2, იმერეთში კი - 10.
21:00 საათიდან დილის 05:00 საათამდე ქვეყანაში კომენდანტის საათი კვლავ მოქმედებს.
საკოორდინაციო საბჭოს გადაწყვეტილებით, 25 თებერვლიდან აღდგა საქალაქთაშორისო ტრანსპორტის მოძრაობა და სასტუმროების მუშაობა სამთო კურორტებზე.
27 თებერვლიდან შაბათ-კვირას საზოგადოებრივი ტრანსპორტი ამუშავდა. ასევე, საქართველოს რკინიგზამ განაახლა მუშაობა.
1 მარტიდან გაიხსნა კერძო და საჯარო ბაღები, ბათუმში რესტორნებმა შიდა სივრცეებში მუშაობა განაახლეს (შაბათ კვირის გარდა) ასევე, უმაღლეს და პროფესიულ სასწავლებლებში გამოცდები არადისტანციურ რეჟიმში ტარდება. 1 მარტიდან განახლდა კონფერენციები და ტრენინგები, მუშაობა განაახლეს ბიბლიოთეკებმა და მუზეუმებმა. ქვეყნების ჩამოანთვალს, რომელთა მოქალაქეებს საქართველოს საჰაერო საზღვრის გავლით ქვეყანაში შემოსვლა PCR ტესტის ნეგატიური პასუხით შეუძლიათ, დაემატა 1ვეყნები - სომხეთი, აზერბაიჯანი, უკრაინა, ყაზახეთი, რუსეთი, ბელარუსი.
