საქართველოს პრემიემინისტრმა, ირაკლი ღარიბაშვილმა ეკონომიკური საქმიანობის ეტაპობრივი აღდგენის გეგმა წარმოადგინა.
25 თებერვლიდან გაიხსნება:
- სასტუმროები სამთო კურორტებზე
- საქალაქთაშორისო ტრანსპორტი
27 თებერვლიდან:
- შაბათ-კვირას მუშაობას განაახლებს საზოგადოებრივი ტრანსპორტი
1-ლი მარტიდან:
- ბათუმში რესტორნები შიდა სივრცეში შეძლებენ მუშაობას. შეზღუდვა შაბათ-კვირას შენარჩუნდება
- გაიხსნება კერძო და საჯარო ბაღები - თანამშრომლების 20% 2 კვირაში ერთხელ სავალდებულო ტესტირებას ჩაიტარებენ
- უმაღლეს და პროფესიულ სასწავლებლებში კლინიკური, პრაქტიკული, ლაბორატორიული საქმიანობა აღდგენა და გამოცდები არადისტანციურ ფორმატში ჩატარდება
- იმ ქვეყნების ჩამოანთვალს, რომელთა მოქალაქეებს საქართველოს საჰაერო საზღვრის გავლით ქვეყანაში შემოსვლა PCR ტესტის ნეგატიური პასუხით შეუძლიათ 1-ლი მარტიდან დაემატება ქვეყნები - სომხეთი, აზერბაიჯანი, უკრაინა, ყაზახეთი, რუსეთი, ბელარუსი. სახმელეთო საზღვრებზე დღეს მოქმედი შეზღუდვები შენარჩუნდება
- განახლდება კონფერენციები და ტრენინგები
- მუშაობას განაახლებენ მუზეუმები და ბიბლიოთეკები
8 მარტიდან:
- მთელ საქართველოში რესტორნებს შიდა სივრცეში მუშაობის უფლება მიეცემათ. შეზღუდვა შაბათ-კვირას შენარჩუნდება
- სამთო კურორტებზე საბაგიროები გაიხსნება
- სავაჭრო მოლები და ბაზრობები მუშაობას შაბათ-კვირის ჩათვლით შეძლებენ
15 მარტიდან:
- მუშაობას განაახლებენ სპორტული დარბაზები
- სასწავლო პროცესი უმაღლეს და პროფესიულ სასწავლებლებში აუდიტორიებში აღდგება
- აღდგება სასკოლო წრეების ფუნქციონირება
- რეპეტიციებსა და ვარჯიშს განაახლებენ თეატრები, სპორტული კლუბები, პროფესიული ანსამბლები
1-ლი აპრილიდან:
- თეატრალური წარმოდგენები, სპორტული შეჯიბრებები მაყურებლების დასწრებით აღდგება
21:00-დან 05:00-მდე კომენდანტის საათი კვლავ ძალაში რჩება.