ჯანდაცვის მინისტრის მოადგილის, თამარ გაბუნიას ინფორმაციით, კვირის ბოლომდე შედგება კიდევ ერთი კონსულტაცია Pfizer-ის, კოვაქსის და საქართველოს მხარის მონაწილეობით, სადაც ცნობილი გახდება ზუსტი დრო, თუ როდის მიიღებს საქართველო ვაქცინას.
ქვეყანას თებერვლის შუა რიცხვებიდან თვის ბოლომდე Pfizer-ის ვაქცინის 29 250 დოზა უნდა მიეღო, თუმცა, როგორც გაბუნია ამბობს, დამატებითი მოთხოვნების გამო მოწოდება გადავადდა.
"მიმდინარე პერიოდში ჩვენ დავასრულებთ მოლაპარაკებას და იმედი გვაქვს, მარტის პირველ-ორ კვირაში მივიღებთ იმ დოზებს, რასაც ველოდებით Pfizer-ისგან". – ამბობს გაბუნია.
მისისვე თქმით, აქტიური კონსულტაციები მიმდინარეობს AstraZeneca-თანაც და დეტალები რამდენიმე დღეში გახდება ცნობილი.
21 თებერვალს თბილისის ინფექციური საავადმყოფოს დირექტორმა, თენგიზ ცერცვაძემ თქვა, რომ ვაქცინაციის დაწყებას 1-2 კვირით დაგვიანდება.
22 თებერვალს პრემიერმინისტრობის კანდიდატმა, ირაკლი ღარიბაშვილმა თქვა, რომ საქართველოში პირველი ვაქცინა მარტის დასაწყისში შემოვა. მისივე თქმით, წლის ბოლომდე ქვეყანაში მოსახლეობის 60% აიცრება.
ვრცლად, მოსახლეობის რამდენი პროცენტის ვაქცინაცია იქნება შესაძლებელი წლის ბოლომდე, წაიკითხეთ - აქ.
