აშშ-ის სახაზინო მდივნის, ჯანეტ იელენის თქმით, ინვესტორებს საფონდო ბირჟების მიმართ სიფრთხილის გამოჩენა მართებთ, განსაკუთრებით კი ისეთი არასტაბილური აქტივების მიმართ, როგორიც ბიტკოინია.
“ბიტკოინი ძალზე სპეკულაციური აქტივია“. – ამბობს სახაზინო მდივანი.
მისი თქმით, აუცილებელია ისეთი რეგულაციების მიღება, რომლებიც კრიპტოვალუტის არაკანონიერი მიზნებით გამოყენებას შეზღუდავს, კერძოდ, მოიაზრება: ფულის გათეთრება, ტერორიზმის დაფინანსება და არალეგალური ტრანზაქციები.
“ინვესტორები ძალიან ფრთხილად უნდა იყვნენ“. – თქვა იელენმა.
მან ასევე ინვესტორების უსაფრთხოების დაცვაზეც ისაუბრა, თუმცა ჯერჯერობით უცნობია, როგორ აპირებს აშშ ამ სექტორის დარეგულირებას.
2021 წელს ფინანსურ სექტორში კრიპტოვალუტის მიღება მნიშვნელოვნად გაიზარდა.
კომპანია Mastercard-ი ზოგიერთ კრიპტოვალუტას მხარს დაუჭერს და მომხმარებლებს ტრანზაქციისა და შენახვის უფლებას მისცემს.
აშშ-ის უძველესი ბანკი, BNY Mellon, ციფრული აქტივების განყოფილების შექმნას გეგმავს.
კომპანია Tesla-მ 1.5 მილიარდი დოლარის ღირებულების ბიტკოინი შეიძინა და ალტერნატიული გადახდის საშუალებადაც მიიღო.
ფინანსური სექტორის მხარდაჭერის გამო ბიტკოინის ფასმა ახალ რეკორდულ ნიშნულს, 52 220 დოლარს მიაღწია.