პარტია ლელოს წევრის, საბა ბუაძის ინფორმაციით, 6 თებერვალს დაუმორჩილებლობის მსვლელობისას კომენდანტის საათის დარღვევის გამო დააჯარიმეს. ბუაძემ ჯარიმის შესახებ შეტყობინება დღეს, 9 თებერვალს მიიღო.
"მოწმენდილ ცაზე მეხი გავარდა! შსს-დან დამირეკეს და მამცნეს, რომ დაუმორჩილებლობის მარშში მონაწილეობისთვის და კომენდანტის საათის დარღვევისთვის მაჯარიმებენ.
აბა თქვენ იცით!" – წერს ის საკუთარ Facebook გვერდზე.
ჯარიმის შესახებ შეტყობინება გუშინ, 8 თებერვალს მიუვიდა ლელოს ორ წევრსაც - ირაკლი კუპრაძესა და თაზო დათუნაშვილს. 2 000 - 2 000 ლარის გადახდა სახელმწიფომ მათაც დაუმორჩილებლობის მსვლელობისას კომენდანტის საათის დარღვევის გამო დააკისრა.
დაუმორჩილებლობის აქცია-მსვლელობა 6 თებერვალს გაიმართა. სამოქალაქო აქტივისტები და მოქალაქეები 9 საათიდან ქვეყანაში დაწესებულ კომენდანტის საათს არ დაემორჩილნენ და თბილისის ქუჩებში საპროტესტო მსვლელობა მოაწყვეს.
