საქართველოს სტატისტიკის ეროვნული სამსახურის წინასწარი მონაცემებით, 2020 წელს საქართველოში საქონლით საგარეო სავაჭრო ბრუნვამ 11 347.7 მლნ. აშშ დოლარი შეადგინა, რაც წინა წლის შესაბამის მაჩვენებელზე 14.8%-ით ნაკლებია. 2020 წელს იმპორტი 15.9%-ით, $1.5 მილიარდით შემცირდა.
გასულ წელს 10 მთავარი საიმპორტო საქონლიდან 9-ის იმპორტი შემცირდა.
საქსტატის თანახმად, უმსხვილესი საიმპორტო სასაქონლო ჯგუფი 2020 წელს წარმოდგენილი იყო მსუბუქი ავტომობილების სახით, რომლის იმპორტმა 759.5 მლნ. აშშ დოლარი და მთელი იმპორტის 9.5% შეადგინა. მეორე ადგილს იკავებდა სპილენძის მადნები და კონცენტრატები 533.5 მლნ. აშშ დოლარით (იმპორტის 6.7%), ხოლო მესამე ადგილზეა ნავთობი და ნავთობპროდუქტები 498.5 მლნ. აშშ დოლარით (იმპორტის 6.2%).
უმსხვილესი სასაქონლო ჯგუფები საქართველოს იმპორტში 2020 წელს:
- მსუბუქი ავტომობილები - $759 478, შემცირდა 31.4%-ით.
- სპილენძის მადნები და კონცენტრატები - $533 495, შემცირდა 11.6%-ით.
- ნავთობი და ნავთობპროდუქტები - $498 479, შემცირდა 34.2%-ით.
- სამკურნალო საშუალებები დაფასოებული - $327 129, შემცირდა 7.9%-ით.
- ნავთობის აირები და სხვა აირისებრი ნახშირწყალბადები - $294 578, შემცირდა 10.2%-ით.
- სატელეფონო აპარატები - $164 697, შემცირდა 22.3%-ით.
- ხორბალი და მესლინი - $107 983, შემცირდა 0.9%-ით.
- სიგარები, სიგარეტები და სიგარეტები თამბაქოს ან მისი შემცვლელებისგან - $88 920, შემცირდა 15.4%-ით.
- ძვირფასი ლითონის მადნები და კონცენტრატები - $77 144, გაიზარდა 1 106.8%-ით.
- სატვირთო ავტომობილები - $72 028, შემცირდა 0.4%-ით.