საქართველოს სტატისტიკის ეროვნული სამსახურის მონაცემებით, 2020 წლის ოქტომბერში წლიურმა ინფლაციამ 3.8% შეადგინა, წინა თვესთან შედარებით კი ინფლაციის დონე საქართველოში 0.8%-ია.
რაც შეეხება საბაზო ინფლაციას, ამ მაჩვენებელმა 2020 წლის ოქტომბერში, გასული წლის შესაბამის პერიოდთან შედარებით 5.4% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.0%-ით განისაზღვრა.
საქსტატის ინფორმაციით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
- სურსათი და უალკოჰოლო სასმელები - ფასები გაიზარდა 0.9%-ით
- ტანსაცმელი და ფეხსაცმელი - ფასები გაიზარდა 5.4%-ით
- ჯანმრთელობის დაცვა - ფასები გაიზარდა 1.2%-ით
- ტრანსპორტის ჯგუფი - ფასები გაიზარდა 0.8%-ით
წლიური ინფლაციის ფორმირებაზე კი ფასების ცვლილებამ გავლენა მოახდინა შემდეგ ჯგუფებზე:
- სურსათი და უალკოჰოლო სასმელები - ფასები გაიზარდა 5.5%-ით
- ჯანმრთელობის დაცვა - ფასები გაიზარდა 9.0%-ით
- ალკოჰოლური სასმელები, თამბაქო - ფასები გაიზარდა 9.0%-ით
- ტრანსპორტი - ფასები შემცირდა 6.0%-ით
