საქსტატის მიერ გამოქვეყნებული ანგარიშის თანახმად, 2020 წლის აგვისტოში საქართველოს ეკონომიკა 5.3%-ით შემცირდა.
2020 წლის პირველ რვა თვეში ეკონომიკური ვარდნა 5.6% იყო. კლება დაფიქსირდა ეკონომიკის თითქმის ყველა სექტორში, გარდა სამთომოპოვებითი საქმიანობისა. აგვისტოში შემცირდა საგარეო ვაჭრობის მოცულობაც, მათ შორის იანვარი-აგვისტოს პერიოდში 14.7%-ით არის შემცირებული ექსპორტი და 17%-ით არის შემცირებული იმპორტი.
7.4%-ით შემცირდა დღგ-ს გადამხდელ საწარმოთა რიცხვი. მიმდინარე წელს საქართველოს ეკონომიკურმა ზრდა თვეების მიხედვით, შემდეგნაირად გამოიყურება:
- იანვარი, ზრდა - 5.1%;
- თებერვალი, ზრდა - 2.2%;
- მარტი, კლება - 2.7%;
- აპრილი, კლება - 13.5%;
- მაისი, კლება - 16.6%;
- ივნისი, კლება - 7.7%;
- ივლისი, კლება - 5.5%;
- აგვისტო, კლება - 5.3%