ოკუპირებული ცხინვალის რეგიონში კორონავირუსით ინფიცირების კიდევ 4 შემთხვევა დადასტურდა. ინფორმაციას "რესი" სანიტარიული სამსახურის უფროსის მოადგილეზე, ანა გაგლოევაზე, დაყრდნობით ავრცელებს.
გაგლოევას თქმით, ახალი ინფიცირებულებიდან 2 რუსეთიდან დაბრუნებული კადეტია, ერთი სატვირთოს მძღოლი და ერთი სამხედრო მოსამსახურე. მისივე ინფორმაციით, ერთ დღეში ოკუპირებულ ცხინვალში COVID-19-ზე 103 ტესტი ჩატარდა, სულ - 1 940.
ანა გაგლოევას ცნობით, კორონავირუსისგან კიდევ 2 ადამიანი გამოჯანმრთელდა - კადეტი და სამხედრო მოსამსახურე. ჯამში, 36 ადამიანი გამოჯანმრთელდა.
ოკუპირებულ ცხინვალში კორონავირუსით ინფიცირების პირველი სამი შემთხვევა 5 მაისს დადასტურდა.
![კობახიძე: რაღაც მომენტში [EU-ში] ვიღაცამ უნდა დაინახოს, რომ ასე გაგრძელება აღარ შეიძლება](https://api.tabula.ge/files/styles/news_thumb_md/public/photos/2025/03/image_2025-03-04_174301289.png.jpg?itok=rDYMsiDc)
