თბილისის ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კორონავირუსის 6 ახალი შემთხვევიდან ორის ინფიცირების წყარო, ჯერჯერობით, უცნობია.
მისივე თქმით, ინფიცირებულებიდან ერთი თეთრიწყაროდან არის, 3 კი - საკარანტინე სივრციდან.
"ერთი ინფიცირებული დაგვემატა, რომელიც ბოლნისიდან არის. მისი მდგომარეობა სტაბილურია", - თქვა ეზუგბაიამ და აღნიშნა, რომ ინფიცირებულებს შორის არასრულწლოვანი არ არის.
ბოლო მონაცემებით, ქვეყანაში კორონავირუსის 517 შემთხვევაა დადასტურებული. 168 ადამიანი გამოჯანმრთელდა, 6 პაციენტი გარდაიცვალა.
კარანტინის რეჟიმში 5 153 ადამიანია, სტაციონარში მეთვალყურეობის ქვეშ - 549.
