ოკუპირებული ცხინვალის რეგიონის ე.წ პრეზიდენტის, ანატოლი ბიბილოვის ბრძანებით, მეორე მსოფლიო ომის დასრულებიდან 75 წლისთავის აღსანიშნავად ცხინვალს მეორე სახელი - სტალინირი ეწოდება.
ცხინვალს ეს სახელი 1934-1961 წლებშიც ერქვა.
ბიბილოვის 27 აპრილის გადაწყვეტილებით, ცხინვალისთვის სახელ სტალინირს საბჭოთა გამარჯვების დღის, 9 მაისისა და ნაცისტური გერმანიის მიერ სსრკ-ს ანექსიის დაწყების დღის, 22 ივნისის აღნიშვნისას გამოიყენებენ.
როგორც ოკუპირებული ცხინვალის სამთავრობო სააგენტო იტყობინება, ე.წ სამხრეთ ოსეთის სამინისტროებსა და სააგენტოებს დაევალათ "ქალაქ სტალინირის ისტორიული სახელის" პოპულარიზაცია და შესაბამისი საინფორმაციო კამპანიის წარმოება.
