საქართველოს ეროვნული ბანკის ცნობით, მარტში საქართველოში შემოსული გზავნილების მოცულობამ 125.9 მილიონი დოლარი, ანუ 382.7 მილიონი ლარი შეადგინა.
გასული წლის მარტთან შედარებით, შემოსული ფულადი გზავნილების მოცულობა 12.5 მილიონი დოლარით, შესაბამისად, 9%-ით შემცირდა.
გაიზარდა საქართველოდან გასული გზავნილების მოცულობა. 2020 წლის მარტში საქართველოდან საზღვარგარეთ 20.4 მილიონი დოლარი გაგზავნეს, რაც 10.1%-ით მეტია გასულ წელთან შედარებით.
გადმორიცხული თანხის მოცულობა ყველაზე მკვეთრად რუსეთიდან (28.32%-იანი კლება), საფრანგეთიდან (კლება - 18.75%) და ესპანეთიდან (კლება - 18.56%) შემცირდა.