62 წლის მარნეულელი ქალი გამოჯანმრთელდა და კლინიკას რამდენიმე საათში დატოვებს
ინფორმაცია მედიას პირველი საუნივერსიტეტო კლინიკის დირექტორმა, ლევან რატიანმა მიაწოდა.
"ქალბატოის ზოგადი მდგომარეობა ამ ეტაპზე დადებითია. გამოჯანმრთელებულია, ის რამდენიმე საათში დატოვებს კლინიკას", - თქვა მან.
ქალი, რომლის ინფიცირების შემდეგაც მარნეულსა და ბოლნისში მკაცრი საკარანტინო რეჟიმი გამოცხადდა, კლინიკაში 22 მარტს მძიმე მდგომარეობაში შეიყვანეს, ის მართვით სუნთქვაზე იყო.
10 აპრილის 12:00 საათის მონაცემებით, ახალი კორონავირუსი საქართველოში სულ 230 ადამიანის დაუდასტურდა, გამოჯანმრთელდა - 54.