დიდი ბრიტანეთის დედოფალმა, ელიზაბეტ II-მ საყოველთაო მიმართვისას ქვეყნის მოსახლეობა გაამხნევა, "ჩვენ წარმატებით გავიმარჯვებთ კორონავირუსზე", - თქვა დედოფალმა.
საჯარო მიმართვისას, რაც საკმაოდ იშიათად ხდება, ელიზაბეტ მეორემ მადლობა გადაუხადა მოსახლეობას წესების დაცვისა და მთავრობის მიერ შემოღებული შეზღუდვების შესრულებისთვის.
"ერთად სხვების დასახმარებლად", - მიმართა ბრიტანელებს დედოფალმა.
მან ასევე მადლობა გადაუხადა ყველას, ვინც ეპიდემიას ებრძვის და მათი შრომა "გვაახლოებს ნორმალური ყოფისკენ".
დიდი ბრიტანეთის დედოფლმა მოსახლეობას მას შემდეგ მიმართა, რაც ქვეყანაში COVID 19-ით გარდაცვლილთა რიცხვმა 5 000-ს მიაღწია.
"აქამდეც გვქონია გამოწვევევი, ეს განსხვავებულია. ამ ეპიდემიამ ყველა ეროვნება გაგვაერთიანა, ჩვენ გავიმარჯვებთ და ეს გამარჯვება ყველა ჩვენგანის იქნება. უნდა გვახსოვდეს, მიუხედავად იმისა, რომ წინ სირთულეებია, უკეთესი დღეები დაბრუნდება: ისევ ჩვენს მეგობრებთან ერთად ვიქნებით, ისევ ჩვენს ოჯახებთან ერთად ვიქნებით; ისევ შევხვდებით", - თქვა ელიზაბეტ მეორემ.
93 წლის დედოფალმა საყვარელი ადამიანებისგან მტკივნეული განცალკევება, რასაც სოციალური დისტანცირება იწვევს, ევაკუირებული ბავშვების გამოცდილებას შეადარა მეორე მსოფლიოს ომის დროს, "მაშინაც და ახლაც, ჩვენ ყველამ ვიცოდით და ვიცით, რომ ამის გაკეთება სწორია,” - თქვა მან.
დიდი ბრიტანეთის დედოფლის სიტყვით გამოსვლის შემდეგ, დაახლოებით ერთი საათის შემდეგ, ცნობილი გახდა, რომ ქვეყნის პრმიერმინისტრი ბორის ჯონსონი, კორონავირუსის გამო, საავადმყოფოში გადაიყვანეს.
ჯონსონი თვითიზოლაციაში 27 მარტის შემდეგ იმყოფებოდა, მას შემდეგ, რაც COVID 19-ზე ჩატარებულმა ტესტმა დადებითი უჩვენა.
