ფეისბუქმა ვინდოუსისა და MacOs-ისთვის მესენჯერის ახალი აპლიკაცია გამოუშვა.
ამის შესახებ სოციალური მედიის გიგანტის დამფუძნებელმა, მარკ ზაკერბერგმა საკუთარ გვერდზე დაწერა.
"ჩვენ ვეძებთ გზებს, რათა ვიყოთ ერთად, მაშინაც კი, როდესაც ფიზიკურად ცალ-ცალკე ვართ. ამიტომ, დღეს ჩავუშვით მესენჯერის აპლიკაცია ვინდოუსისა და MacOS-ისთვის.
ჯგუფური ვიდეოზარებისა და მესიჯების რაოდენობა ჩვენს აპლიკაციაში გაიზარდა - დესკტოპზე მესენჯერის გამოყენება გასულ თვეში გაორმაგდა. ახალი აპლიკაცია ბევრად უკეთესს აქცევს თქვენს გამოცდილებას. იმედი მაქვს მოგეწონებათ!", - წერს ზაკერბერგი.
მესენჯერის ახალი აპლიკაციის გადმოწერა Microsoft Store-დან და AppStore-დან არის შესაძლებელი.
