ინფექციური საავადმყოფოს სამედიცინო დირექტორის, მარინა ეზუგბაიას თქმით, კორონავირუსით ინფიცირების 49-ე შემთხვევა აჭარაში დადასტურდა.
"ახლა აჭარაში არის სამი დადასტურებული შემთხვევა. არსებული პაციენტების მდგომარეობა არ არის შეცვლილი - ყველასი სტაბილურია. სამი პაციენტია საყურადღებო, სადაც შეიძლება მოხდეს მდგომარეობის გაუარესება დამძიმება, თუმცა მათი მდგომარეობა ჯერ-ჯერობით სტაბილურია", - თქვა ეზუგბაიამ.
მარინა ეზუგაიას თქმით, 49-ე პაციენტის ისტორია მისთვის უცნობია.
მარინა ეზუგბაიას ინფორმაციით, დღეს საღამოს 8 პაციენტზე აიღეს ტესტირება, მათი პასუხი ხვალ დილით იქნება ცნობილი.
საქართველოში კორონავირუსის 49 შემთხვევაა დადასტურებული. მათგან გამოჯანმრთელდა 1 პირი.
