კორონავირუსის გამო პოლონეთი უცხო ქვეყნის მოქალაქეებისთვის საზღვრებს კეტავს. გადაწყვეტილება კვირიდან, 15 მარტიდან, შევა ძალაში. განცხადება პოლონეთის პრემიერმინისტრმა, მატეუშ მორავიეცკიმ გააკეთა.
პოლონეთის მოქალაქეები, რომლებიც ქვეყანაში დაბრუნდებიან, 14-დღიან სავალდებულო კარანტინს გაივლიან.
"ქვეყანა საკუთარ მოქალაქეებს ვერ მიატოვებს. თუმცა, ამ სიტუაციაში უცხოელებისთვის საზღვრებს ღიას ვერ დავტოვებთ", - თქვა პრემიერმინისტრმა.
მორავიეცკის თქმით, დაიხურება სავაჭრო ცენტრები, მაღაზიები, რესტორნები, ბარები და კაზინოები. აიკრძალება 50-ზე მეტი ადამიანის შეკრება.
პოლონეთში კორონავირუსის 68 შემთხვევაა დაფიქსირებული. გარდაიცვალა ერთი ადამიანი.