საქართველოში კორონავირუსის მეცამეტე შემთხვევა დადასტურდა.
როგორც ინფექციური საავადმყოფოს ხელმძღვანელმა, თენგიზ ცერცვაძემ, ტელეკომპანია პირველთან ინტერვიუში თქვა, პირი, რომელსაც კორონავირუსი დაუდგინდა, თბილისის ინფექციურ საავადმყოფოში არ მკურნალობს და ის სხვა ჰოსპიტალში იმყოფება - ზუგდიდში, ქუთაისში, ბათუმში ან გორში.
ცერცვაძის თქმით, პაციენტი კონტაქტში იმყოფებოდა პირთან, რომელიც იტალიაში დაინფიცირდა.
კორონავირუსით დაინფიცირებული პაციენტებიდან ცხრა ირანსა და იტალიაში მყოფი პირია, ხოლო ოთხი- იტალიაში მყოფთან კონტაქტში მყოფი ადამიანი.
