თეთნულდზე ჩამოწოლილი ზვავის შედეგად დაშავებული ტურისტი, რომლის ჯანმრთელობის მდგომარეობაც მძიმეა, ღუდუშაურის საავადმყოფოში გადაიყვანეს და მას სამედიცინო დახმარება უტარდება.
ტურისტი მესტიიდან თბილისში კლინიკაში შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის ექიმებმა სასაზღვრო პოლიციის ვერტმფრენით გადაიყვანეს.
თეთნულდზე ჩამოწოლილი ზვავის შედეგად დაკარგული 6 ტურისტიდან 3 გარდაიცვალა, დანარჩენი სამი მოქალაქის გადარჩენა კი მაშვებელმა მოახერხეს.