მას შემდეგ, რაც პარლამენტთან აქციის მონაწილეების რაოდენობა გაიზარდა, აქტივისტებმა ტროტუარებიდან გზის სავალ ნაწილზე გადაინაცვლეს.
"სანამ იყო ცოტა ხალხი, ვიდექით ტროტუარზე, მაგრამ ახლა პროტესტი გვაქვს პარლამენტთან და კილომეტრებით ვერ ავიწევით" - თქვა ევროპული საქართველოს ლიდერმა გიგა ბოკერიამ.
რამდენიმე წუთში პოლიციის კორდონი აქციის მონაწილეებს მიაწვა და ისინი ძალის გამოყენებით გადაიყვანა ტროტუარზე. აქტივისტები სკანდირებდნენ "სირცხვილი".
ამ წუთებში პოლიციას ცოცხალი ჯაჭვი აქვს გაკეთებული.