ხუნდაძე: თადუმაძის პროფესიონალიზმზე კითხვა არ მაქვს, ლიტერატურის მხრივ ნაკლებ მაინტერესებს

ქართული ოცნების დეპუტატმა, დიმიტრი ხუნდაძემ, ამის შესახებ ტვ პირველის ეთერში ისაუბრა. წამყვანმა მას გენერალური პროკურორის, შალვა თადუმაძის, პარლამენტში გასაუბრების შესახებ ჰკითხა. თადუმაძე უზენაესი სასამართლოს უვადო მოსამართლეობის კანდიდატია. სხდომაზე მოსმენისას მას ენმ-ის დეპუტატმა, რომან გოცირიძემ, ჰკითხა, თუ ვინ დაწერა "დიდოსტატის მარჯვენა", რაზეც თადუმაძემ უპასუხა "არ ვიცი". რამდენიმე დღის შემდეგ კი პროკურორებთან შეხვედრის დროს თადუმაძემ თქვა, რომ "დიდოსტატის მარჯვენა" ასეთი წიგნი არ არსებობს, კონსტანტინე გამსახურდიამ კი დაწერა "დიდოსტატის კონსტანტინეს მარჯვენა".