საქსტატმა აგვისტოში ინფლაციის მაჩვენებელი გამოაქვეყნა. საქსტატის ინფორმაციით ინფლაციის წლიურმა დონემ 4,9% შეადგინა. ამავდროულად, ივლისთან შედარებით ინფლაციის მაჩვენებელი 0,8%-ით განისაზღვრა.
წინა წლის აგვისტოსთან შედარებით, ფასები 3,8%-ით არის გაზრდილი. საქსტატი ახალი მეთოდოლოგიით, ცალკე გამოყოფს თამბაქოს ნაწარმის წილს და არ ითვალისწინებს ჯამურ მაჩვენებელში.
აგვსიტოში ფასები 1.5 პროცენტით არის გაზრდილი სურსათისა და უალკაჰოლო სასმელების ჯგუფში. მათ შორის:
- რძე, ყველი და კვერცხი — 4.8%;
- ხორცი და ხორცის პროდუქტები — 2.3%;
- შაქარი, ჯემი და სხვა ტკბილეული — 1.6;
- თევზეული — 1.3%;
- ზეთი და ცხიმი — 1.2%;
- ბოსტნეული და ბაღჩეული — -2.2%.
უფრო შთამბეჭდავია ფასების ზრდა წინა წლის აგვისტოსთან შედარებით. იმავე ჯგუფში ფასები 8%-ით არის გაზრდილი. მათ შორის:
- ხილი და ყურძენი — 18.2%;
- თევზეული — 16.3%;
- პური და პურპროდუქტები — 12.4%;
- შაქარი, ჯემი და სხვა ტკბილეული — 11%;
- ხორცი და ხორცის პროდუქტები — 9.3%;
- რძე, ყველი და კვერცხი — 6.5%;
- მინერალური და წყაროს წყალი — 4.7%;
- ბოსტნეულსა და ბაღჩეულზე — -3.4%
წინა წლის აგვისტოსთან შედარებით თამბაქოს ნაწარმზე ფასები 29%-ით არის გაზრდილია. ფასები მომატებულია ყველა სამომხმარებლო სეგმენტში, მათ შორის:
- ტრანსპორტი — 4,4%;
- დასვენება, გართობა და კულტურა — 6,2%;
- ჯანდაცვა — 3,9%.