ლევადა ცენტრის საზოგადოებრივი გამოკითხვით ირკვევა, რომ რუსეთში ტელევიზიისადმი ნდობა 10 წლის მანძილზე 25%-ით შემცირდა.
2009 წელს ტელევიზიიდან ინფორმაციას მოსახლეობის 94% იღებდა, ახლა ეს რიცხვი 72% არის. ამ პერიოდში კი ტელევიზიისადმი ნდობა 79%-დან 54%-მდე შემცირდა.
ამის მიუხედავად, ტელევიზია კვლავ რჩება ინფორმაციის ყველაზე პოპულარულ წყაროდ.
ყველაზე პოპულარული ტელევიზიებია: "Россия 1" (48%), "Первый канал" (47%), НТВ (36%), "Россия 24" (31%), РЕН ТВ (17%).
რუსების 1%-სთვის ტელეარხები სიახლეების მიღების რეგულარული წყაროა.
დამოუკიდებელი მედიის საერთო ჯამური აუდიტორია მოსახლების 35%-ს შეადგენს.
რუსეთში ინფორმაციის შემდეგი ყველაზე პოპულარული წყაროებია სოციალური ქსელი (34%) და ინტერნეტი (32%).
ამას გარდა, რუსთა ნაწილი ვიდეო ბლოგებიდანაც იღებს ინფორმაციას - გამოკითხულთა, დაახლოებით, მესამედი ვიდეობლოგებს კვირაში ერთხელ მაინც უყურებს.
გამოკითხულთა 18% სიახლეების მეგობრებისგან ან ნათესავებისგან იგებს, 15% გაზეთიდან, ხოლო 12% - რადიოდან.