დღეს არ შემეძლო არ მოვსულიყავი აქ, სადაც 30 წლის წინ, რუსეთის იმპერიის ინტერესებიდან გამომდინარე, დაიღვარა ქართველი ახალგაზრდების სისხლი. გუშინ ღამეც აქ დაიღვარა ქართველი ხალხის სისხლი და მიზეზი იყო რუსეთის იმპერიის ინტერესების დაცვა. 30 წლის წინ აქ იდგნენ ქართველი პოლიციელები, მაშინ მილიციელები ერქვათ და ისინი იცავდნენ დემონსტრანტებს. ჩვენ დღემდე მათი მადლობელი ვართ. 30 წლის წინ, შემდეგ დღეს აი აქ დაიწვა კომუნისტური პარტიის მანდატები. დღეს, როგორც არ უნდა განვითარდეს პოლიტიკური მოვლენები, მე მინდა ვთხოვო ჩვენს პოლიციას, აღარ იძალადოს საქართველოს მოქალაქეებზე, იმ ახალგაზრდებზე ვინც საქართველოს სუვერენიტეტს იცავს. იცავენ საქართველოს ღირსებას. იცავენ იმას, რომ რუსებს არასდროს არ გაუვათ, რომ ჩვენ მივიღოთ მათი რეალობა. რუსული დროშა არასდროს არ იფრიალებს ამ პარლამენტზე. მე მინდა მოვუწოდო ჩემს ყოფილ თანამებრძოლებს ქართული ოცნებიდან გაემიჯნონ ამ ძალადობას, გაემიჯნონ ქართველი ახალგაზრდების და პატრიოტების ქუჩაში დევნას, სროლას და გამოყენებას ისეთი იარაღის, რის შედეგადაც დღეს ასობით ადამიანი არის დაზარალებული. გამოვხატავ ჩემს დარდს ყველა იმ ადამიანის მიმართ, ვინც დაზარალებულია დემონსტრანტების და პოლიციელების მიმართ.
აქციის დარბევა
მარგველაშვილი: გუშინ დაიღვარა ქართველი ხალხის სისხლი, მიზეზი რუსეთის ინტერესების დაცვა იყო
tbl.ge/3sf6
დაკოპირდა
საქართველოს ყოფილი პრეზიდენტი გიორგი მარგველაშვილი დღეს რუსთაველის გამზირზე პარლამენტთან მივიდა და გუშინ იქ განვითარებულ მოვლენებს გამოეხმაურა. მარგველაშვილმა ქართულ ოცნებას მოუწოდა გაემიჯნონ ძალადობას.
ამავე თემაზე
- სპეცრაზმმა აქციის წყლის ჭავლით დაშლა დაიწყო
- 20-21 ივნისის აქციის დარბევისას, ჯგუფურ ძალადობაში მონაწილეობისთვის, კიდევ სამი პირი დააკავეს
- საბანაძე: ჩვენ არ დაგვირბევია მშვიდობიანი მიტინგი, როგორც მავანს ამის თქმა სურს
- შს მინისტრის მოადგილე: აქციის დაშლისას მშვიდობიანი მომიტინგე, ძირითადად, არ დაშავებულა
- საბანაძე აქციის დარბევაზე: როცა ასეთი რამ ხდება, ვინმე დაშავდება კიდეც, მასაში ვერ გაარჩევ