მამა ანდრია: საპატრიარქოს განცხადება წამახალისებელია და ქრისტიანულ სულს ოდნავ სცდება

პირველ რიგში, ცოდვა რომ გამართლებული იქნას მღვდლისგან, მორწმუნე ქრისტიანისგან ამას არ უნდა მოველოდეთ, მაგრამ მეორეს მხრივ, რაც შეეხება საპატრიარქოს განცხადებას, რა თქმა უნდა, წამახალისებელია და ქრისტიანულ სულს ოდნავ სცდება. ქრისტიანული სული არ გახლავთ, რომ ადამიანები ჩაქოლვისთვის და დაპირისპირებისთვის გავიმეტოთ. პირიქით, ქრისტიანობა ყოველთვის მოუწოდებს მშვიდობისმყოფელობისკენ და 9 ნეტარებაში და სახარების სწავლებაში ერთერთი ეს არის. არათუ მშვიდობისმყოფელობის მოწოდება იყო ეს, არამედ დაპირისპირების სულის ჩათესვა, რაც საპატრიარქოს განცხადებას არ ეკადრება და ამიტომ ვფიქრობ სწორედ, რომ არათუ საპატრიარქოს სინოდის გადაწყვეტილებას უნდა დაველოდოთ. საპატრიარქოზე უმაღლესი ორგანო არის სინოდი.