მთავრობის კანცელარიასთან თბილისი პრაიდის მხარდამჭერებს არ უშვებენ. მას შემდეგ, რაც ადგილზე სასულიერო პირების და ფაშისტური ჯგუფების კონტრაქცია დაიწყო, პოლიციამ კორდონი გააკეთა.
"უსაფრთხოების მიზნით", LGBT პრაიდის კვირეულის აქტივისტებს კიბეების ზემოთ არ უშვებენ. კორდონთან დგას თბილისი პრაიდის ორგანიზატორი გიორგი თაბაგარიც, რომელიც პოლიციამ აქციას "განარიდა" და კანცელარიის ტერიტორიიდან გაიყვანა.
შეგახსენებთ, რომ საპატრიარქომ დღეს განცხადება გაავრცელა და ხელისუფლებას მოუწოდა, ლგბტ პრაიდის კვირეული არ დაუშვან. ამის შემდეგ, 19:00-ზე თბილისის პრაიდის ორგანიზატორებმა დააანონსეს აქცია "სად ხარ სახელმწიფოვ". ადგილზე მისულ აქტივისტებს კი, კანცელარიასთან ფაშისტური ჯგუფები დახვდათ.