პარიზში ლუვრის მუზეუმის თანამშრომლები გაიფიცნენ, რის გამოც მუზეუმი დროებით დაიხურა. ამის შესახებ ინფორმაცია მუზეუმის twitter-ის გვერდმა გაავრცელა.
თანამშრომლების გაფიცვის მიზეზი დამთვალიერებლების დიდი რაოდენობა გახდა. ისინი ამბობენ, რომ ვიზიტორების ნაკადს ვეღარ უმკლავდებიან.
პროფკავშირში ამბობენ, რომ ბოლო 10 წლის განმავლობაში ტურისტების ნაკადი 20% ით გაიზარდა, ხოლო მუზეუმის თანამშრომლების რაოდენობამ იკლო. განცხადებაში წერია რომ თანამშრომლები "იხრჩობიან" ამდენი ვიზიტორის გამო.
მუზეუმი დამთვალიერებლებს დაპირდა რომ გადახდილ თანხას უკან დაუბრუნებს.
