21 წლის სტუნდეტი, ქსიაო ლი ფილმ Avengers: Endgame-ის პრემიერაზე ბევრი ტირილის გამო საავადმყოფოში გადაიყვანეს.
ჩინეთის ლოკალური მედიის ცნობით, გოგომ პრემიერის მიმდინარეობისას იმდენი იტირა, რომ კისრის ტკივილი დაეწყო და სუნთქვა გაუძნელდა. ამის შემდეგ მას სპაზმური ტკივილები დაეწყო ფეხებსა და ხელებში, რის გამოც გადაწყვიტეს რომ ის საავადმყოფოში უნდა წაეყვანათ.
"ნინგბო მინგჟუის" საავადმყოფოს ექიმების თქმით, მათ გოგოს ჟანგბადის ნიღბები გაუკეთეს, რათა სუნთქვა გაადვილებოდა. ქსიაო ლი საავადმყოფოდან იმ დღესვე გაწერეს.
Avengers:Endgame-ის მსოფლიო პრემიერა დღეს, 26 აპრილს არის. საქართველოში კი ფილმის პრემიერა 29 აპრილს შედგება.
