საქართველოს პრეზიდენტმა სალომე ზურაბიშვილმა ცენტრალური საარჩევნო კომისიის თავმჯდომარის თანამდებობაზე სამი კანდიდატი წარადგინა. პრეზიდენტმა საქართველოს ცენტრალურ საარჩევნო კომისიას უკვე მიმართა.
წარდგენილი კანდიდატები არიან: მარიამ შელეგია, თამარ ჟვანია და ვლადიმერ ბოჟაძე. ეს კანდიდატები საქართველოს პრეზიდენტმა არასამთავრობო ორგანიზაციებთან გამართული კონსულტაციების შედეგად დაასახელა.
პარლამენტმა ცესკოს თავმჯდომარე სწორედ ამ სამი კანდიდატიდან უნდა აირჩიოს.
ცესკო-ს თავმჯდომარეს, თამარ ჟვანიას, რომელიც ამ თანამდებობაზე 2013 წლის სექტემბერში აირჩიეს, უფლებამოსილების 5-წლიანი ვადა დღეს ამოეწურა.