Facebook-ი "ომის ოთახს" სოციალურ ქსელში არჩვნების წინააღმდეგ დეზინფორმაციის გავრცელების მცდელობებისგან დასაცავად ქმნის.
ამ ინიციატივაზე კომპანიის 300-ზე მეტი თანამშრომელი მუშაობს, მაგრამ ომის ოთახში 20 ადამიანი იქნება, რომელთა ფუნქცია იმ დეზინფორმაციასთან ბრძოლა, ყალბი ნიუსების მონიტორინგი, და ყალბი ექაუნთების წაშლა იქნება, რომლებიც აშშ-ში, ბრაზილიასა და სხვა ქვეყნებში ამომრჩეველზე გავლენის მოხდენას ცდილობენ.
ჯგუფი სპეციალურად შექმნილ კომპიუტერულ პროგრამას გამოიყენებს, სოციალურ ქსელში სხვადასხვა ქვეყანაში მიმდინარე არჩვენების დროს Facebook-ზე უჩვეულო აქტივობების გამოსავლენად.
მონაცემებისა და უსაფრთხოების ექსპერტები შემდგომ დაკვირვებით შეისწავლიან საეჭვო აქტივობებსა და ის პოსტები, რომლებიც საარჩევნო პროცესისთვის დამაზიანებლად ჩაითვლება - წაიშლება.
სამიდ ჩაკრაბარტიმ, ახალი ჯგუფის უფროსმა, ომის ოთახი აღწერა, როგორც Facebook-ის "ყველაზე დიდი რეორიენტაცია სამუშაო მაგიდიდან მობილურ ტელეფონებზე გადასვლის შემდეგ".
Facebook-ი კრიტიკის ქარცეცხლში მოექცა, როდესაც რუსეთმა აშშ-ს 2016 წლის არჩევნებში ტროლების საშუალებით განიზრახა საარჩევნო პროპაგანდის წარმოება და ამომრჩეველზე გავლენის მოხდენა. Facebook-ისთვის მორიგი სკანდალი New York Times-ის, Channel 4-ის და The Guardian-ის ერთობლივი გამოძიება იყო, როდესაც დადგინდა, რომ Facebook-ის 50 მილიონი მომხმარებლის ანგარიში დონალდ ტრამპის საარჩევნო კამპანიასთან დაკავშირებულმა კომპანია Cambridge Analytica-მ საარჩევნო მიზნებისთვის გამოიყენა.
ახლა, აშშ-ს შუალედურ არჩევნებამდე 7 კვირით ადრე, Facebook-ი დიდი ზეწოლის ქვეშაა, რომ აღარ დაუშვას 2016 წლის საპრეზიდენტო არჩევნების დროს სოციალურ ქსელში უცხოური მანიპულაციების გავრცელების განმეორება და დაარწმუნოს მსოფლიო, რომ მზად არის აღკვეთოს ამგვარი ქმედებები.