კახეთში ავტოავარიის შედეგად, ერთი ადამიანი დაიღუპა. თელავის მუნიციპალიტეტის სოფელ სანიორეში BMW-ს მარკის ავტომობილი ხეს შეეჯახა, დაშავდა ორი ადამიანი, რომელთაგან ერთი საავადმყოფოში მიყვანისთანავე გარდაიცვალა. დაშავებულის ჯანმრთელობის მდგომარეობა ამ ეტაპზე დამაკმაყოფილებელია.
გამოძიება სსკ-ის 276-ე მუხლის მე-5 ნაწილით დაიწყო. ეს გულისხმობს ტრანსპორტის მოძრაობის უსაფრთხოების ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
