რამდენიმე დღის წინ სურათები გავრცელდა, სადაც Game of Thrones-ში სანსა სტარკის როლის შემსრულებელი, სოფი ტერნერი თავის საქმროსთან, ჯო ჯონასთან ერთად ქუჩაში არის და ტირის.
სურათების ნახვის შემდეგ ინტერნეტ მომხმარლებმა ბევრი პოსტი და კომენტარი დაწერეს იმასთან დაკავშირებით, რომ წყვილმა იჩხუბა და სოფი ტერნერის ტირილის მიზეზი სწორედ ეს იყო.
კომენტარებს მსახიობი გამოეხმაურა და თქვა, რომ ის ქუჩაში მენსტრუალური ტკივილების გამო ტიროდა.
"Lol. მადლობა ღმერთს მოსიყვარულე საქმრო მყავს. მენსტრუაცია საშინელებაა", - დაწერა სოფი ტერნერმა ტვიტერზე.
სოფი ტერნერი და ჯო ჯონასი ერთმანეთს 2016 წლის შემდეგ ხვდებიან, მათი ნიშნობის შესახებ კი ინფორმაცია 2017 წელს გავრცელდა.