ხულოში, სოფელ ვაშლოვანში ახალგაზრდა ქალი დაჭრეს.
წინასწარი ინფორმაციით, მას თავს 50 წლამდე მამაკაცი დაესხა. ქალი მრავლობითი ჭრილობით ხულოს საავადმყოფოში გადაიყვანეს.
შსს-ს ინფორმაციით, თავდამსხმელი უკვე დაკავებულია. გამოძიება 117-ე მუხლით მიმდინარეობს, რაც ჯანმრთელობის განზრახ დაზიანებას გულისხმობს, რაც 3-დან 6 წლამდე ვადით თავისუფლების აღკვეთას ითვალისწინებს.
