ბაქრაძე: ვისაც გინდათ კაბინეტში დამჯდარი პრეზიდენტი, მე ნუ მომცემთ ხმას

დღეს ხშირად გვესმის ქართული ოცნებისა და უმრავლესობის მხრიდან, რომ პრეზიდენტი უნდა იყოს არბიტრი, რომ პრეზიდენტი არ უნდა ერეოდეს პოლიტიკაში და იჯდეს კაბინეტში... იცით რა, ვისაც გინდათ კაბინეტში დამჯდარი პრეზიდენტი, მე ასეთ პრეზიდენტობას არ ვაპირებ და არასდროს ვიქნები. იმიტომ, რომ საქართველოს არ სჭირდება ასეთი პრეზიდენტი, საქართველოს არ სჭირდება სასახლის კედლებით შემოსაზღვრული პრეზიდენტი, არ სჭირდება პრეზიდენტი რომელიც მხოლოდ იმას გააკეთებს რასაც მთავრობა დაავალებს. საქართველოს სჭირდება პრეზიდენტი, რომელიც იქნება ხალხთან ერთად, იქნება ხალხისთვის და იქნება ხალხის სახელით