კობახიძე: 5 წელი ვასწავლიდით პრეზიდენტს, როგორ უნდა წაეკითხა კონსტიტუციის ნორმები

ჩვენ გვქონდა ძალიან რთული პერიოდი, როდესაც პრეზიდენტს ვარწმუნებდით იმაში, თუ როგორ უნდა იყოს წაკითხული კონსტიტუციის ესა თუ ის ნორმები. მაგალითად, მთავრობის  ნაწილში და ხუთი წელი დაგვჭირდა იმის ასახსნელად, რომ პრეზიდენტი ვალდებულია, წარმოადგინოს ის კანდიდატი პრემიერ-მინისტრობის და მთავრობის ის შემადგენლობა, რომელიც გამოხატავს საპარლამენტო არჩევნებში მოსახლეობის ნებას. ეს არის მარტივი რამ, თუმცა, ხუთი წელი დაჭირდა ამ მარტივი ჭეშმარიტების აღსაქმელად პრეზიდენტს და ახლა გვიწევს, როგორც ჩანს, იმის სწავლებაც პრეზიდენტისთვის, რომ ანალოგიურად უნდა იმოქმედოს მან აჭარაში, როდესაც მას გასათვალისწინებელი აქვს უმაღლესი საბჭოს არჩევანის ნება. მე არც ვიყავი პასუხისმგებელი მეცადინეობაზე და სწავლებაზე, თუმცა, როგორც ჩანს, ეს სერიოზული პრობლემა არის. პრეზიდენტი უნდა იყოს პირველი, ვინც კითხულობს კონსტიტუციას და სწორედ კითხულობს კონსტიტუციას, თუმცა, ამ კუთხით ჩვენ ვხედავთ პრობლემებს