კალათბურთის სუპერვარსკვლავმა, ლებრონ ჯეიმსმა ლოს ანჯელეს ლეიკერსთან 4-წლიანი კონტრაქტი გააფორმა. მან კლივლენდ კავალიერსი დატოვა.
ლებრონ ჯეიმსი ლეიკერსში 4 წლის განმავლობაში 154 მილიონ აშშ დოლარს მიიღებს.
"დიდი მადლობა ჩრდილოეთ ოჰაიოს 4 შესანიშნავი სეზონისთვის, ეს ყოველთვის იქნება ჩემი სახლი", - თქვა ლებრონმა.
33 წლის სუპერვარსკვლავი ამერიკის ნაციონალური საკალათბურთო ასოციაციის ყველაზე ძვირადღირებული, ასევე დომინანტი მოთამაშეა.
ლებრონ ჯეიმსი NBA-ს 2003 წელს შეუერთდა, როცა კლივლენდმა დრაფტზე წარადგინა. 2010 წელს კი მაიამიში გადავიდა, სადაც 2012 წელს "მაიამი ჰითთან" ერთად ჩემპიონის პირველი ტიტული მოიპოვა.
2 წლის შემდეგ ის კვლავ კლივლენდში დაბრუნდა. 2016 წლის ივნისში კი გუნდმა გოლდენ სთეით ვორიორსი 93:89 დაამარცხა. ეს მატჩი ჩემპიონობისთვის ბრძოლაში გადამწყვეტი იყო, კლივლენდისთვის კი პირველი გამარჯვება მნიშვნელოვან ტურნირზე 1964 წლის შემდეგ.
რაც შეეხება ლოს ანჯელეს ლეიკერსს, ბოლო 5 წელია, ის NBA-ის ფლეიოფებში არ გასულა.