დისკრიმინაცია

შსს: აბაშიძის მიმართ დისკრიმინაციის მოტივით ჩადენილი ძალადობის ფაქტი გახსნილია

ზურა აბაშიძე

შინაგან საქმეთა სამინისტროს ინფორმაციით ზურაბ აბაშიძის მიმართ დისკრიმინაციის მოტივით განხორციელებული ძალადობის ფაქტი გახსნილია. ინფორმაციას ამის შესახებ სამინისტრო ავრცელებს. 

"შინაგან საქმეთა სამინისტროს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ზურაბ აბაშიძის მიმართ, დისკრიმინაციის ნიშნით ძალადობის ფაქტზე 1998 წელს დაბადებული გ.ქ. გამოავლინეს. გამოძიებამ დაადგინა,რომ გ.ქ.-მ მიმდინარე წლის 22 ივნისს, თბილისში, 26 მაისის მოედნის მიმდებარე ტერიტორიაზე, 1995 წელს დაბადებულ ზურაბ აბაშიძეს დისკრიმინაციის ნიშნით სიტყვიერი და ფიზიკური შეურაცხყოფა მიაყენა და შემთხვევის ადგილიდან მიიმალა." - წერია შსს-ს განცხადებაში.

უწყების ინფორმაციითვე, გ.ქ.-ს ბრალი 126-ე მუხლით უკვე წარედგინა. გამოძიება დისკრიმინაციის ნიშნით ძალადობის ფაქტზე, საქართველოს სისხლის სამართლის კოდექსის 126-ე მუხლით მიმდინარეობს.

მწერალმა ზურა აბაშიძემ რამდენიმე დღის წინ სოციალურ ქსელშიდ დაწერა, რომ მას ჰომოფობიურ ნიადაგზე თავს დაესხნენ. მისივე თქმით, ამის შემდეგ პოლიციაში მომხდარის შესახებ განცხადების დასაწერად წავიდა, თუმცა შსს-ის თანამშრომლები არ დაეხმარნენ. 

კომენტარები