მინდიაშვილი: მაშინ როცა კაცობრიობა პინგვინთა დღეს აღნიშნავდა, ადგა და დაბრუნდა

იმ ბრძენმაკაცმა თავის თავთან დადებული ყველა პირობა, გარდა ერთისა, შეასრულა: არჩევნებით მოვიდა და გადაურჩევლად წავიდა, შექმნა არასამთავრობო და გააუქმა, გასაჭირის ჟამს, მაშინ როცა კაცობრიობა პინგვინთა საერთაშორისო დღეს აღნიშნავდა, ადგა და დაბრუნდა და აწ, დარჩა ერთადერთი დანაპირები: შექმნას ოპოზიციური პარტია, რომელსაც თვითონ ჩაუდგება სათავეში, რათა შეუტიოს ხელისუფლების პარტიას, რომელსაც თვითონ ჩაუდგა სათავეში, რამეთუ იგია ინიც და იანიც, იგია ახურამაზდაც და არიმანიც, იგია გაციც და გაიმიც, იგია ზეკაციც და ზეკაცის კრიტიკაც, იგია გაზდვაცატადაძინიც და მერსედესიც, იგია ძრაობაც ხეთა და უძრაობაც კაცთა, რამეთუ ის არის მენცარი და ის არის ვინც არი