თბილისის ზოოპარკში ციკნები ზებრას ზურგზე ახტებიან. ფოტოები თბილისის ზოოპარკის ოფიციალურ გვერდზე გავრცელდა.
"ჩვენმა ციკნებმა ახალი, საინტერესო ატრაქციონი აღმოაჩინეს - ზებრა. აახტებიან, ჩამოხტებიან, აახტებიან, ჩამოხტებიან. ზებრაც გგონიათ, აპროტესტებს? გატრუნულა მშვიდად და გაუნძრევლად. არ ვიცით, მასაჟი სიამოვნებს, თუ უბრალოდ დიდსულოვანი მოთმინებით იტანს ბავშვების ოინბაზობას... ფაქტია, რომ წუხდებოდეს, ჩამოიბერტყავდა და დაუცაცხანებდა. ეს კიდევ, დგას ასე - ბებოს რომ შვილიშვილები ააცოცდებიან და ჩამოყრა ენანება" - წერს თბილისის ზოოპარკის fb-გვერდის ადმინისტრატორი.