იმის მაგივრად, რომ პრემიერ მინისტრი კონცენტრირებული იყოს ქვეყნის წინაშე არსებული უზარმაზარი პრობლემების გადაჭრაზე, ღელავს ოპოზიციაზე, კერძოდ ევროპულ საქართველოზე. ამ კაცმა ჩვენი ორი მოქალაქის საზარელი მკვლელობის შემდეგ მისწერა მავნებლური და საზიანო წერილი ქვეყნისთვის რუსეთის ფედერაციას და ახლა არის გაბუტული იმაზე, რომ ევროპული საქართველოს ინიციატივით პარლამენტმა მიიღო ჩვენი ქვეყნის ინტერესების შესაფერისი რეზოლუცია და ჟენევაში ჩავარდა რუსული გეგმა საზოგადოებრივი წნეხის და ჩვენი მოკავშირეების პოზიციის გამო. ახლა თავს იმართლებს პუტინის და კარასინის შავრაზმელი მოკავშირეების წინაშე ჩვენი ქვეყნის შიგნით. ჩვენ, ევროპული საქართველო, კონცენტრირებული ვართ ოპოზიციაში ყოფნის დროსაც კონკრეტულ შედეგებზე, რამდენადაც ეს შესაძლებელია, ხოლო მას შემდეგ, რაც ივანიშვილის გუნდს შევცვლით არჩევნების გზით, ჩვენი ქვეყნის წინსვლაზე.
ევროპული საქართველო
ბოკერია: პრემიერი პუტინის შავრაზმელი მოკავშირეების წინაშე თავს იმართლებს
