სურსათის ეროვნულმა სააგენტომ თბილისის რამდენიმე რესტორანსა და კაფე-ბარში დარღვევები გამოავლინა. სააგენტოს ინფორმაციით, სახელმწიფო კონტროლის ფარგლებში, დოკუმენტური შემოწმება და ინსპექტირება ჩატარდა 19 რესტორანსა და კაფე-ბარში.
7 რესტორანს კრიტიკული შეუსაბამობების გამო საწარმოო პროცესი შეუჩერდა და დაჯარიმდა 1000 ლარით.
- თაღლაურა
- ძველი ქალაქი
- კაფე კალა
- პლაზა ჰოლი
- კრუიზი
- ოქროს კათხა
- მუხამბაზი
სხვადასხვა დარღვევის, მათ შორის, ჯანმრთელობის ნიშანდების გარეშე ხორცის რეალიზაციის, ეტიკეტირების წესისა და მიკვლევადობის დარღვევის, ეკონომიკურ საქმიანობათა რეესტრში რეგისტრაციის არქონის გამო დაჯარიმდა 9 ბიზნესოპერატორი.
- ბაბილო
- კახელები
- თაშრე
- მწვადიაური
- კერია
- ტეხასი
- ლაკადა
- ფაიტონი
- რესტორანი თევზის სახლი
დარღვევა არ გამოვლინდა 3 რესტორანში.
- ლუდის მოედანი
- წისქვილი
- ჭაშნაგირი
სურსათის ეროვნული სააგენტოს ცნობით, საკვები ობიექტების შემოწმების პროცესი ისევ გრძელდება.
