15 წლის ბიჭის განზრახ მკვლელობის მცდელობისთვის 17 წლის მოზარდი დააკავეს.
"გამოძიებამ დაადგინა, რომ ბრალდებულმა მიმდინარე წლის 19 დეკემბერს თბილისში, რუსთაველის გამზირზე მდებარე სკვერში, ურთიერთშელაპარაკების ნიადაგზე, 2002 წელს დაბადებულ მ.მ.-ს ცივი იარაღით რამდენიმე ჭრილობა მიაყენა და შემთხვევის ადგილიდან მიიმალა. მის მიერ ჩადენილი დანაშაული შვიდიდან თხუთმეტ წლამდე ვადით თავისუფლების აღკვეთას ითვალისწინებს" - აცხადებს შსს და აღნიშნავს, რომ ბრალდებული მიმდინარე წლის 21 დეკემბერს, სოფელ წეროვანში დააკავეს.
ამ დროისთვის, დაჭრილი არასრულწლოვანი საავადმყოფოს რეამინაციულ განყოფილებაში იმყოფება.
გამოძიება განზრახ მკვლელობის მცდელობის ფაქტზე მიმდინარეობს, საქართველოს სსკ-ს 19-108-ე მუხლით, რაც შვიდიდან თხუთმეტ წლამდე ვადით თავისუფლების აღკვეთას ითვალისწინებს.
