მირზა გოგოჭური
მირზა გოგოჭური
მირზა გოგოჭური
მირზა გოგოჭური16 ოქტომბერს თბილისს 23-სე მეტროს სადგური შეემატება. მეტრო უნივერსიტეტის განახლების პროექტი ორ წელზე მეტია მიმდინარეობს. სადგურის გახსნა ინფრასტრუქტურის მინისტრმა საქმის კურსთან ინტერვიუში დაანონსა.
თავდაპირველად სადგურის გახსნა ზაფხულში იგეგმებოდა, შემდეგ გახსნის თარიღმა სექტემბერში გადაიწია. გახსნის საბოლოო თარიღად კი 16 ოქტომბერი სახელდება.
თბილისის მეტროპოლიტენის 23-ე მეტროსადგურის მშენებლობა წლების განმავლობაში დაკონსერვებული პროექტი იყო. დედაქალაქის მეტროს მეორე ხაზის გაგრძელება დელისის სადგურიდან უნივერსიტეტის მიმართულებით 1985 წელს დაიწყო და 1993 წელს შეჩერდა. მშენებლობა 1998 წელს განახლდა და 2000 წლისთვის ვაჟა-ფშაველას სადგური გაიხსნა. იმის მიუხედავად რომ გვირაბები თითქმის ოცი წელია გაყვანილია ტერიტორიაზე მეტროს სადგურის მოწყობა აქამდე ვერ მოხერხდა.
პროექტს მუნიციპალური განვითარების ფონდი აზიის განვითარების ბანკის კრედიტით ახორციელებს და მისი ღირებულება 83 მილიონი ლარია.
