დაღესტნის საზღვართან, ლაგოდეხის მე-5 სასაზღვრო სამმართველოს პუნქტზე გაზის ბალონი აფეთქდა. შსს-ის ინფორმაციით, აფეთქების შედეგად ერთი ქართველი მესაზღვრე დაიღუპა, 4 ადამიანი კი დაშავდა. 2 მათგანი დამწვრობის ცენტრის რეანიმაციაშია მოთავსებული - მათ სასუნთქი გზები აქვთ დაზიანებული.
როგორც რუსთავი 2-თან ერთ-ერთმა მესაზღვრემ თქვა, მათ შეშის ღუმელი ენთოთ, გაზის ბალონი კი სიმხურვალის გამო აფეთქდა.
შინაგან საქმეთა სამინისტრომ გამოძიება სისხლის სამართლის 124-ე, ჯანმრთელობის გაუფრთხილებლობით ნაკლებად მძიმე ან მძიმე დაზიანების მუხლით დაიწყო.
