ზაფხულის სარაფანი. თვეების შემდეგ დედაჩემი ჩემი ტანსაცმლის კარადასთან იდგა და წუწუნებდა, რატომ აღარ ვიცვამდი ჩემს კაბებს. მე 6 წლის ვიყავი. Twitter/ Rebecca Gannon 
საყვარელი მინი კაბა. იმ წამიდანვე შემიყვარდა, როგორც კი დავინახე. თან, ძალიან მაგარი მაღალქუსლიანი ფეხსაცმელიც მქონდა. უბრალოდ, იმ ღამით დებთან ერთად მინდოდა კარგი დრო გამეტარებინა. Twitter/ Rebecca Gannon 
მაისური და ჯინსი. ეს სამჯერ მოხდა, სამი სხვადასხვა მამაკაცის მიერ. სამივეჯერ მაისური და ჯინსი მეცვა.Twitter/ Rebecca Gannon "რა გეცვათ, როცა ეს მოხდა?"- ეს საკმაოდ გავრცელებული, სტერეოტიპული კითხვა, ალბათ, ყველას მოუსმენია, ვისაც საკუთარი მძიმე სექსუალური ძალადობის გამოცდილება სხვა, მეორე ადამიანისთვის ან თუნდაც გამომძიებლისთვის გაუზიარებია. ისე, თითქოს, ეს რამეს ცვლიდეს ან რაღაც მხრივ, ამართლებდეს ძალადობას.
სწორედ ამიტომ, კანზასის უნივერსიტეტში იმ ტანსაცმელების გამოფენა მოეწყო, რომლებიც მსხვერპლებს გაუპატიურების დროს ეცვათ.
გამოფენაზე 18 ადამიანის ტანსაცმელი იყო და თითოეულ მათგანს მოკლე აღწერა ერთვოდა თან.
აღნიშნული გამოფენა ორგანიზატორებმა სპეციალურად დაამთხვიეს უნივერსიტეტში სწავლის დღეს, რადგან მათი განმარტებით, ყველაზე ხშირად სექსუალური ძალადობა სწორედ სწავლის დაწყების პირველ რამდენიმე თვეში ხდება ხოლმე. გთავაზობთ მცირე ფოტოგალერეას:
