"მე მოვედი როგორც მოხალისე, შემიძლია ფიზიკურად შრომა, შემიძლია კრიზისული სიტუაციების მართვა, გამოცდილება მაქვს ამ მხრივ. ლოკალიზებულია ხანძარი, ჯერ სრულად ჩამქრალი არ არის", - ამბობს მთაწმინდაზე, ხანძრის კერასთან მისული პარტია ახალი საქართველოს ლიდერი გიორგი ვაშაძე.
ამ დროისთვის მთაწმინდის ფერდობზე ხანძარი ლოკალიზებულია. მის ჩაქრობაში მონაწილეობა 70-მდე მეხანძრემ მიიღო.
თბილისის მერის თქმით, ხანძრის ჩაქრობის პროცესში ვერტმფრენების ჩართვა არ მოხდება, რადგანაც "ღამის საათებში ვერტმფრენის გამოყენება არის ძალიან სარისკო."
საგანგებო სიტუაციების მართვის სააგენტოს ინფორმაციით დამწვარია 2 ჰეტარის ფართობის მწვანე ნარგავები.
შსს-ში ხანძარზე გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის განზრახ დაზიანებას გულისხმობს.
