კახეთში საერთაშორისო მარათონის გამო გზების მონაკვეთებზე ხვალ შეზღუდვები იქნება დაწესებული. ამის შესახებ განცხადებას შინაგან საქმეთა სამინისტრო ავრცელებს. მარათონი “მსოფლიო რბენა" ხვალ 7 მაისს გაიმართება.
მოძრაობა შეიზღუდება ლოპოტას გადასახვევიდან კავკასიონის ქედის გაყოლებით, დილის 10:00 საათიდან 19:00 საათამდე, თელავი-შაქრიანის საავტომობილო გზაზე, მდინარე ალაზნის ხიდამდე. ყველა სახის საავტომობილო ტრანსპორტისთვის შეიზღუდება მოძრაობა თიანეთი-ახმეტა-ფშაველი-ყვარელი-ნინიგორის საავტომობილო გზის 69-ე კმ-დან 118-ე კმ-მდე. სატრანსპორტო ნაკადი გადაერთვება შემოვლით გზაზე - გურჯაანი-აფენი-კაბალი.
