ჩილეში წყალდიდობის შედეგად სულ მცირე 3 ადამიანი დაიღუპა და 19 კი დაკარგულად ითვლება.
წყალდიდობის გამო დაახლოებით 400-მდე ადამიანი კახონ დელ მაიპოს რეგიონიდან გამოიყვანეს. გარდა ამისა, ქვეყნის მასშტაბით, სასმელი წყლის მიწოდება მილიონზე მეტ ოჯახს შეუწყდა.
ჩილეს პრეზიდენტი მიშელ ბაჩელეტი Twitter-ზე წერს, რომ ადგილზე საგანგებო სიტუაციების სამსახურის ჯგუფი მუშაობს, რომლებიც ადამიანების გადარჩენას და წყალმომარაგების აღდგენას ცდილობენ.
მდინარე მაიპოს ადიდება უამინდობამ გამოიწვია.