გზების რამდენიმე მონაკვეთზე შეზღუდვებია დაწესებული

საავტომობილო გზების დეპარტამენტის ინფორმაციით, თოვის, ძლიერი ქარბუქისა და ლიპყინულის გამო, კოდა–ფარცხისი–მანგლისი–წალკა–ნინოწმინდის საავტომობილო გზის როდიონოვკა - ნინოწმინდის მონაკვეთზე, ასევე ახალციხე-ნინოწმინდის საავტომობილო გზის ნინოწმინდა-სომხეთის საზღვრის მონაკვეთზე ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. დეპარტამენტისვე ცნობით, ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.